+353 778 9052

©2018 by Yoga Arise

Arnór Sveinsson

Ég hef kennt Jóga og vitundartengd námskeið frá því í september 2013, árið sem ég lauk Jógakennaranámi í Jógaskóla Kristbjargar Kristmundardóttur. Ég hef ferðast víðsvegar um heiminn og sótt fjöldan allan af námskeiðum sem tengjast Jóga, hugleiðslu og andlegri vinnu. Varði dýrmætum tíma með munk í fjöllum norður Tælands þar sem ég fór í djúpa innri vinnu og lærði hugleiðslur sem er undirstaðan í minni nálgun og leiðbeiningum. Ég legg mikla áherslu á öndun í allri minni nálgun! 


Ég kenndi Jóga í Álftanesskóla í 2 ár og hef góða reynslu sem krakkajóga kennari. 


Sumarið 2016 fluttist ég að út í sveit og varði þar einu ári ásamt góðu fólki. Þar bauð ég upp á Endurnæringa-helgar og leiddi þáttakendur inn á við með Jóga, hugleiðslum, samfloti, öndun og stórum skömmtum af íslenskri náttúru. 


November 2018 kláriði ég kennaranám hjá Guðna Gunnarssyni og er trúlega þakklátur fyrir að vera undir leiðsögn hjá einum fróðasta og reynslumesta kennara sem ég hef hitt!


Í desember 2018 lauk ég kennaranámi í Wim Hof aðferðarfræðinni og hef ég innleitt þá þekkingu í mína kennslu. 


Í dag leiði ég flest alla tímana mína í Primal Iceland þar sem ég kenni meðal annars byrjendanámskeið, framhaldsnámskeið, hugleiðslunámskeið, öndunarnámskeið, Wim Hof námskeið og býð upp á einkatíma.


Einnig vinn ég með við kakó og býð reglulega upp á innri ferðalög með aðstoð kakósins.  Ég fór til Guatemala og lærði að nýta þessa mögnuðu plöntu eins og Mayanir gerðu og gera, sem er til þess að ferðast dýpra inn sjálfann sig og tengjast uppruna sínum.


Ég elska að vinna með náttúrinni og nýta hana til þess að leyða nemendur inn á við. Ég býð upp á eins mikið af viðburðum út í náttúrinni og ég get. Er reglulega með úti Yoga(Snjóga á veturnar) og hugleiðslur. Svo býð ég reglulega upp á Endurnæringa (retreat) helgar þar sem fólk getur komið og endurnærst í nærandi íslenskri náttúru.


Reynslan sem ég ef hef öðlast nýti ég mér til þess að ferðast dýpra inn í mína eigin tilvist og tengjast mínum uppruna og tilgang. Minn tilgagnur er að ljóma og læra, og þannig aðstoða þá sem ertu tilbúnir að ljóma og ganga til sjálfs síns og tengjast uppruna sínum.